آه يابلد/ بقلم الشاعر/ سيدعبدالغني عبدالصمد

آه يابلد
مالكيش غير ف المهازل
والضحك ع الدقون
اصل العبارة واضحة
ارهاب عبيط مجنون
طايح ف البلد
وبياخد ف سكته الولد
والبنت والعجوزة
والغني والفقير
مش عاتق صغير
ولا حتى كبير
وشوية تصاريح تطلع
واحنا قاعدين
يقولوا تفجير ف المحطة
والناس كلها شايفين
يقولوا لا
ده عيب صغير
مش خطير
يعني ايه سبعة تمانية
ولاحتة مية
ولاخمسماية
فدا مصر يابني آدمين
انا افدي بلدي بروحي
انما ارهابي ياخدها
لأ كده يبقي كتير
ح نفضل لحد امتي
بايعين عقولنا لناس تانيين
دافنين دماغنا
جوه الطين
اصحى ياشعب وفوق
بص لفوق
ارفع راسك
ازعق قول
صامدين
واقفين
متجمعين
انا وانت ومينا وجرجس
وابوسماعين
وعيسي ومحرز 
وكل المصريين
ايد واحدة ضد الارهابيين
وبندعي ربنا يخلصنا وينجينا
ونقضي ع اللي يعادينا
قولوا آمين
يارب العالمين
قولوا آمين
يارب العالمين
بقلمي@سيدعبدالغني عبدالصمد
جمهوريةمصرالعربية