لا تحلَمي (شعر محكي)...
شو اللي بقي
من حُبِّنا
تا تقولي يا عمري تَعا
غيرْ الحَكي
وطعنة قلب
وصرخة بِروحي بودّعا !!!
شو اللي بقي
بعد الغدر
الا كرامة برجّعا
قلبي النّقي
رغم الكسر
بحبَّكْ ما بدّو يسمعا ...
رُوحي خلاص
وانسِ اللي كان
ما بدّي متلك طمّعا
مات الوفى
حبّي اختفى
مو خساره متلك ضيّعا ...
لا تحلمي
بكلمة غزلْ
ببوسة ع خدّك اطبعا
لا تندَهي
ما في أملْ
القصّة بِدمعي مشمّعا .....
عامر ....
ليست هناك تعليقات:
إرسال تعليق