عَافك الخاطر ( شعر غنائي ) ...
معقولة جايه تصالحني
بالصَّوتْ العالي تهدّدني
يستر على أهلكْ ريّحني
ما بدّي شوفك !!! ...
غلطان بحقّي وشاتمني
قدام صحابي مبهدلني
وهلأ جايه وعم تأمرني
قدّر ظروفك !!! ...
يخرب ذوقك قدّر حبّي
بيكفيك تجرّحلي قلبي
شو مفكّرني حدّك لعبي
سَيف من سيوفك ؟؟
تلوّح فيي وقت بتفرح
تكّة بتعشق سَاعة بتجرح
وترميني على أول مطرح
أو بين رفوفك ...
ريّح حالك وامشِ بدربكْ
ما بقى يهمني نزوة حبّكْ
تتهنّى بعقلكْ وبقلبكْ
وبسحر حروفكْ ....
ما بقى تجرجرني بكلماتكْ
أو عندي جلادِه لنزواتكْ
خلّيك عايش كل أوقاتكْ
مُغرَمْ بوصُوفكْ ...
عامر ...
ليست هناك تعليقات:
إرسال تعليق