يلا مسافرين والقطر اهو جاي
بياخدينا لناس تانيين
بس ياربت يستعجل
احنا من زمان مشتاقين
تعالى ياعم بسرعه
واوعى تهدي ولا تستنى
جبنا معانا غدانا
اصل الوالد وصانا
مناكلش اكل البياعين
دول كمان مش حلوين
وصل اهو يلا يابقا ياحسين
هات الشنطه واخواتك الباقيين
وسلم على امك وقولها
مش هنطول راجعين
ومنتظرين على محطه رمسيس
ماهو كلنا بالمحطه واقفين
وبلحظه جه قطر الموت
فرق بينا وبين حبيبنا
وولعنا نااار ونصرخ يا امين
الحق اخواتك وجرانك
وكل الناس الطيبين
وحتى اخواتك مش باينين
يالله كلها دي نار وكلنا ميتين
معلهش يام حسين
كنت عاوز اجيلك انا وعيالك
لكن قدرنا نموت على يد المهملين
تركونا نموت ونموت وبالاخر
عمال السكه كانو متخنقين
وناس تقول كانو متخدرين
واحنا ذنبنا ايه نموت بنار مولعين
ومراتي اتارملت بالحسره علينا
وعلى عيالنا اللي ملهمش قلب حنين
والجسس اتبعترت على السكه
وقالو نصيب وقدر مش ناقصين
ليست هناك تعليقات:
إرسال تعليق