.... نويت الهجر......
قلّي بعتم الليل جايّ ودعك
نويت الهجر كرمال ما أبقى معك
عيوني من الهجر ملّو الهوى
عمري مضى ناطر عدربو يعشقك
إلا بهواك القلب عمرو ما ارتوى
محروق نبضو بالمودة مطمعك
بعيون رمشا ماغفى يوم انكوى
يلملم جفاكِ ويعجنو من مدمعك
تيخبِّرك شوق الحبيب الّلي استوى
لهفة وحنين ولوعتو من مقلعك
ما في حدا بيحل مطرح من شوى
قلبي بهواه وما استطاع يولّعك
رح كون متلك أجرح بحيل القوى
تحاكي جروحك لو همستِ أسمعك
قلِّك يا ملكة عرش قلبي بالنوى
بعدو أميرك تاج حبّو مبايعك
تركتِ الحبيب الداب قلبو بلا دوى
بسجنك أسير ونيل عفو بأصبعك
ضيعان تهجرني وبأيّ مستوى
باصم بدمّي كتير صعبى إشلعك
إنتِ الأرق من النسيم وبالجوى
ناوي عليّ وفوق عيني برفعك
إنتِ الملاك ولا سواكِ بمحتوى
مهما عليّ تجمعوا ما في سوى
وجهك حبيبي منوّر سماي بموقعك.
(من ديوان ابجديات الغزل)
..الشاعرة بدريه عزيز ابراهيم..
ليست هناك تعليقات:
إرسال تعليق