شو بينفع انّي قولها
واتصرّف عكس اللي قلتْ
يبطَل بعدها مفعولها
وتقولي يا ليتْ اسكَتّ ...
بدّي قولها وكون قدّها
تا ابقى بعينيكِ زكرتْ
ما بدّي الالفة هدّها
واتندّم على انّي علقتْ ....
روقي لا تضوجي عليي
من قهري أنا يا ما تعبت
الدنية عم تغدر فيي
وظروفي يا محلى الزّفت ...
خايف ما تكوني ليي
وكون بإحساسي تورّطتْ
وتحمليني منيّة
انّك صنتِ وآنا خنتْ ...
الدنية مش كلها أوهام
كيف ما ردتِ وآنا ردتْ
ما بعمرها بيوم الأحلام
بتمشي عا هوانا يا ستّ ...
بدّها القصة شوية صبر
يا عمري تا كون ارتحتْ
تا ما تدوقي مني القهر
وتقولي لولا ما عشقتْ ..
عامر ...
ليست هناك تعليقات:
إرسال تعليق