أصدقاء الكار :
مين قلّك منّك رَاح غار
وصِير طلّع عنّك أخبار
واتصّيد كل الأخطاء
تا شَوّه شغلك وينهار ؟؟
ما نحنا رفقا وأصحابْ
بتجمعنا العِشرِة والكار
معقولة تبلّش العتابْ
وأنا فاتح على وجّكْ نار ؟؟
ما تصدّق كلشي حكيوا
عَ لساني هَودي أشرارْ
انّك محظوظ ومغرور
ما بتسوى لفت الأنظار !!
هيدا جزء من الْ عرفوه
والكره بقلبي إعصارْ
بتمنى تفشلْ وتغيبْ
ما شوفك بعيوني نهار !!
وما تحقق حلم ولا مجد
تبقى بالمهنة تذكار
وكل اللي بنيتُه ينهدّ
وتتقلب على جمر النّار !!
وبعدك بتشكّ بحبّي
وتفكّر تاخد بالتّار ؟!!
يا خسارة وياعيب الشّوم
هالقدّ بتطلع غدّار ؟؟ !!!!
عامر ...
ليست هناك تعليقات:
إرسال تعليق