بوح ...
بعرف حالي غلطت كتير
وما قدّرت اللي حبّني
أعذاري وكتر التبرير
بعمرها ما راح ترحمني ...
عوّدتني الدنية تسير
بظروفها غصباً عني
وتغمّق للفرح البير
تا بعمرُه ما يوصَلني ...
الله العالم بالقلوب
بالوجع اللي معذبني
المكتوب ما منّه مهروبْ
ظروفي دومْ بتخذلني ...
قررتْ ودمعي عا الخدّ
احرق قلبي ال حارقني
وابني بوجّ احساسي سَدّ
وما عذّب يللي عشقني ...
معذورة لو قلت خان
وبسرعة تخلّى عنّي
ما عندُه حسّ ووجدان
بأوّل فرصة طيّرني ...
قفصي داق عليي كتير
وقضبانُه عم تخنقني
ما بدّي تشوفي تعتير
قهرك حدّي بيقتلني ...
هالدنيه قسمة وتجريح
بدعي الله يصبّرني
آحلامي خطفتها الرّيح
شو بينفع عنها غنّي ؟!! ...
عامر ...
ليست هناك تعليقات:
إرسال تعليق