...***=***... ضلي مرقي ...***=***...
....................................................
ضلي مرقي بهالليل يانور
عتماتو
...***=***... الدومري من شوي طفا قناديلو
هونيك بعد الشمس همساتنا
باتو
...***=***... شوفي عشقنا هنيك لوح بمنديلو
سمعتي القمر عالهمس وشوش
لخياتو
...***=***... وعنك خيوط الفجر سمعتا بتحكيلو
وشاعر غزل مشتاق يهمس
بكلماتو
...***=***... يمكن بلحظة غفا تصيري مقابيلو
يسرح بليل الحلم وتطول
سهراتو
...***=***... يشوف الهنا من بعيد عم يناديلو
يكتب بحرف الاه ويرسم
بنهداتو
...***=***... ينادي خيوط الفجر جرحو تداويلو
ويعزف موسيقي الليل بالعين
نغماتو
...***=***... وحلم المسا الموجوع بالشوق يشكيلو
وخمر العشق بالعين مابتخلص
حكاياتو
...***=***... وشعرك لعتم الليل يلبّسو اكليلو
بهالليل ضلك تعي ياعطر
نسماتو
...***=***... الدومري بقلبي كبر وطفى قناديلو
عتم عليي العشق خفو كتير
عزماتو
...***=***... صار لازمو يرتاح محتاج تبديلو
غيرك حبيبي من يشعل
بناراتو
...***=***... ينور عليي الروح ويشع قنديلو
.........................................................
مساكن دومري يضوي
قناديل الفرح
قناديل السلام
قناديل المحبة
قناديل التسامح
بقلوبكن
كل الاصدقاء
مسا
النوررررر
..........................................................
الشاعر السوري المهجري .. د اليان سمعان
سفير اكاديمية السلام العالمية في المانيا
فرع كاليفورنيا الولايات المتحدة
ليست هناك تعليقات:
إرسال تعليق