محلاك ياعيد
والناس فيك بتعيد
والفرح ياعيد هو السيد
محلاك ياعيد
وياسلام عليك ياعيد
وانت مظبط المواعيد
وفيك العديه
من 10 لحد 100
تسعد كل اللي حواليا
فرحانه بك ياعيد
ومحلاك ياعيد
وحلاوتها الولاد
نور العين والفؤاد
بنت او واد
يكفيهم شر الحساد
اللي في العيد
ومحلاك ياعيد
والحبايب لامه
مع بعضها لامه
والفرح مالي الامه
اللي مناظراك ياعيد
ومحلاك ياعيد
ومحلاها القعده مع جاري
اللي داره جنب داري
بيبقي الفرح مالي نهاري.
ماهو ليا شاري
يسترها الواحد الباري
فيك ياااااااعيد
ومحلاك ياااااااعيد
بلقمي محمد سليمان
ليست هناك تعليقات:
إرسال تعليق