000==--{ نفحة من الوجدان }--==000
~~~~~~~~~~~~~~~~~~~~~~~~
نادي لربك دوم يبعتلك
صبر
000==--{ لابد توصل يوم عالشط الامان
اوعى تقول بيوم ايامي
دبر
000==--{غيرك مريض كتير والطفل جوعان
داقت الدنيا عليك بيطل
الفجر
000==--{ اشكر لربك دوم لاتنام زعلان
لاتقول زماني غدر جابرني
جبر
000==--{ بكرى بتجي الايام وبيغلب النسيان
اوعى تقول بيوم يلعن
هالعمر
000==--{ لوكان قلبك دوم للفرح عطشان
معليش صار العمر ورداتو
صفر
000==--{ عيش الفرح باولاد زهرهن نيسان
شوف الدني حلوة ومروج
الخضر
000==--{ بنص كاسك دوم شوف هالمليان
مافي حدا بيخلى قلبو من
القهر
000==--{ مافي حدا مرتاح يمكن ولا السلطان
بين الحلو والمر بيمرق
هالعمر
000==--{ خلي لقلبك دوم مليان بالايمان
بتبقى الدني احلى من عتم
القبر
000==--{ وطولة البال نعمة من الرحمن
يمكن شريط العمر قدامي
عبر
000==--{ حروفي كتبتا اليوم نفحة من الوجدان
~~~~~~~~~~~~~~~~~~~~~~~~~~~
صباح الصبر وطولة البال
صباح الامل والرجا
صباح المروج
الخضر
ليست هناك تعليقات:
إرسال تعليق