بعيد الشر/ بقلم الشاعر الدكتور عامر تيسير نابلسي

بعيد الشرّ ...

بعيد الشرّ
لا تقوليلي تقبرني
بطقّ من القهر
لو لحظة تغيبي عنّي ...
وحياة الحبّ
وقلبك يللي مجنني
ما عندي صبر
تتخلي بلحظة عنّي ...

كلمة مفتون
شو بحسّها كلمة صغيرة
أنا كلّي جنون
ما عندي غيرك سيرة ...
جننت الرّوح
وخليتيني يا أميرِة
بحبّك مسجون
ومشهور بكل الدّيرة ...

قولي بحبَّك
بس لا تدعي عا حالك
والله بخاف
شوكة تخدش خلخالك
متمني ضلّ
عقدك يمّا سلسالك
وبوقت البرد
غطّيكِ أنت وشالكْ ...

للغزل بحور
نقي واستحلي الأحلى
حبق ومنتور
يا فارس عمري الأغلى ...
خلّي البخّور
بالمجمع ريحُه يعلى
والفرح يزور
عتاب جنتنا ويتدلّى ...

عامر ...