شو بتفرق عن غير النّاس
حتى فيك تعلّقني ؟
بالرجولة ولا الإحساس
اطلّع فيّي وجاوبني !!!
عاهدت عيوني ما حبّ
أو خلّيها تورطني
إلا للّي عندُو قلبْ
بين ضلوعُو يسَكّنّي ...
قصص اللُوعة ما بتنعدّ
أحزانها غَمرتْ هالكونْ
ما في علاقة بقيت جدّ
والعاشق كل يوم بلَون ...
شو سهلة ينهي اللي كان
يتصرّف معها بجنونْ
ويملّي قلبها أحزان
والعشرة بسهولة تهون ...
ما بدّي غزل وأشعار
مَنّك حاسس معناها
ولا بدّي بجنون تغار
حتى ثقتك تنساها ...
أو تشعل بوفائي النار
ويكون قلبي مرساها
أو صير بالآخر تذكار
فترة صغيرة وتسلاها ...
عامر ...
ليست هناك تعليقات:
إرسال تعليق