بعشق قصيدتي/ بقلم الشاعرة سحر يوسف غانم

بعشق قصيدتي..لأنها الأحلى..بتروح لبعيد وبتفيٓق عيون حبيبي...وبتفلش شعراتا عاخدودو
صدقوني قصيدتي الأحلى...
بتعرف الدرب لحالا
وما بتضيع ولا بتلتهى...
وبس توصل بتبوس شفاف عيونو...
ومن فرحتو فيني...بيضحك وبيبكي....وبيبلل بريقو كلماتي
العطشانة للدفا....
وبيصير حرفي يفكفك كل زرارو ....
لتلعب نسماتي بصدرو....
حبيبي...ما بينام حتى....
يزرعني....شامات عا طراف...سما جبينو
وبيصير متل الطفل.... بيلعب
بين شوق كلماتي وشوقو....
صدقوني حروفي الأحلى....
لأنها بترسموا متل ...ما خلقوا
الله وأكتر.... لأنها هيي الأوفى
وما بتكذب عاحالا..
ولحالو بيفهما...
وبيخبيها بين سنين عمرو
زوادة ... بيشبع منا
كل ماجاع لعيوني وبحراااا
سحر يوسف غانم